मराठी मुख्य सूची|मराठी साहित्य|अभंग संग्रह आणि पदे|श्री रामदासस्वामींचे साहित्य|पंचीकरणादी अभंग| १ ते ५ पंचीकरणादी अभंग १ ते ५ ६ ते १० ११ ते १५ १६ ते २० २१ ते २५ २६ ते ३० ३१ ते ३५ ३६ ते ४० ४१ ते ४५ ४६ ते ५२ पंचीकरणादी अभंग - १ ते ५ समर्थ रामदास स्वामींचा जन्म औरंगाबाद जिल्ह्यात सन १६०८, शके १५३० रोजी झाला. Tags : abhangramdassamarthaअभंगरामदाससमर्थ पंचीकरणादी अभंग - १ ते ५ Translation - भाषांतर १ओवीचे आरंभी वंदू विनायक । बुद्धिदाता एक लोकांमध्यें ॥१॥लोकांमध्यें बुद्धीवीण कामा नये । बुद्धीचा उपाये सर्वत्रांसी ॥२॥सर्वत्रांसी बुद्धी देतो गणनाथ । करितो सनाथ अनाथासी ॥३॥अनाथा नाथाचा नाथ केला जनीं । तो हा धरा ध्यानीं लंबोदर ॥४॥लंबोदर विद्यावैभवें पुरता । दास म्हणे माता सरस्वती ॥५॥२नमूं योगेश्वरी शारदा सुंदरी । श्रोता प्रश्न करीं वक्तयासी ॥१॥वक्तयासी पुसे जीव हा कवण । शिवाचें लक्षण सांगा मज ॥२॥सांगा मज आत्मा कैंचा परमात्मा । बोलिजे अनात्मा तो कवण ॥३॥कवण प्रपंच कोणें केला संच । मागुता विसंच कोण करी ॥४॥कोण तें अविद्या सांगिजोजी विद्या । कैसें आहे आद्यस्वरूप तें ॥५॥स्वरूप ते माया कैसी मूळमाया । ईसी चालावया कोण आहे ॥६॥आहे कैसें शून्य कोण तें चैतन्य । समाधान अनन्य तें कवण ॥७॥कवण जाणता कवणाची सत्ता । मोक्ष हा तत्वता कोण सांगा ॥८॥सांगा ब्रह्मखूण सगुण निर्गुण । पंचवीस प्रश्न दासें केले ॥९॥३नमूं वेदमाता नमूं त्या अनंता । प्रश्न सांगों आतां श्रोतयाचे ॥१॥श्रोतयाचे प्रश्न जीव हा अज्ञान । जया सर्व ज्ञान तोचि शिव ॥२॥शिवापर आत्मा त्यापर परमात्म । बोलिजे अनात्मा अनिर्वाच्य ॥३॥वाच्य हा प्रपंच माई जाणावा । घडामोडी देवापासुनीयां ॥४॥विषय अविद्या त्यागावी ते विद्या । निर्विकल्प आद्या तेचि रूप ॥५॥कल्पना हे माया सत्व मूळमाया । इसी चाळावया चैतन्यचि ॥६॥नकार तें शून्य व्यापक चैतन्य । ईश्वर अनन्य समाधान ॥७॥जीव हा जन्मला जीवा मृत्यु आला । बद्ध मुक्त जाला तोहि जीव ॥८॥ईश्वर जाणता ईश्वराची सत्ता । मोक्ष हा तत्वता ईश्वरची ॥९॥ईश्वर निर्गुण ईश्वर सगुण । हेचि ब्रह्मखूण दास म्हणे ॥१०॥४सत्य राम एक सर्वहि माईक । जाणावा विवेक योगियांचा ॥१॥योगियांचा देव तया नाहिं खेव । जेथें जीवशिव ऐक्यरूप ॥२॥ऐक्यरूप जेथें हें पिंडब्रह्माडं । तें ब्रह्म अखंड निराकार ॥३॥निराकार ब्रह्म बोलताती श्रुती । आदि मध्य अंतीं सारिखेंची ॥४॥सारिखेंची ब्रह्म नभाचीये परी । बाह्य अभ्यंतरी कोंदाटले ॥५॥कोदाटलें परी पाहतां दिसेना । साधुविण येना अनुभावा ॥६॥अनुभवा येतां तें ब्रह्म निश्चळ । जाय तळमळ संसाराची ॥७॥संसाराचें दुःख सर्वहि विसरे । जरी मन भरे स्वस्वरूप ॥८॥स्वस्वरूपीं नाहीं सुख आणि दुःख । धन्य हा विवेक जयापाशीं ॥९॥जयापाशीं ज्ञन पूर्व समाधान । त्याची आठवण दास करी ॥१०॥५मन हें विवेकें विशाळ करावें । मग आठवावें परब्रह्म ॥१॥जयापाशीं ज्ञान पूर्व समाधान । त्याची आठवण गळे अहंकार ॥२॥अहंकार गळे संतांचे संगतीं । मग आदि अंतीं समाधान ॥३॥समाधान घडे स्वरूपीं राहतां । विवेक पाहतां निःसंगाचा ॥४॥निःसंगाचा संग दृढ तो धरावा । संसार तरावा दास म्हणे ॥५॥ N/A References : N/A Last Updated : November 05, 2017 Comments | अभिप्राय Comments written here will be public after appropriate moderation. Like us on Facebook to send us a private message. TOP