मराठी मुख्य सूची|मराठी पुस्तके|तुकाराम बाबा अभंग संग्रह|दांभिकास शिक्षा| ६१३१ ते ६१४० दांभिकास शिक्षा ५९६३ ते ५९७० ५९७१ ते ५९८० ५९८१ ते ५९९० ५९९१ ते ६००० ६००१ ते ६०१० ६०११ ते ६०२० ६०२१ ते ६०३० ६०३१ ते ६०४० ६०४१ ते ६०५० ६०५१ ते ६०६० ६०६१ ते ६०७० ६०७१ ते ६०८० ६०८१ ते ६०९० ६०९१ ते ६१०० ६१०१ ते ६११० ६१११ ते ६१२० ६१२१ ते ६१३० ६१३१ ते ६१४० ६१४१ ते ६१५० ६१५१ ते ६१६० ६१६१ ते ६१७३ दांभिकास शिक्षा - ६१३१ ते ६१४० तुकारामबाबा आणि त्यांचे शिष्य यांच्या अभंगांची गाथा. Tags : abhangmarathisanttukaramअभंगतुक्राराममराठीसंत दांभिकास शिक्षा - ६१३१ ते ६१४० Translation - भाषांतर ॥६१३१॥लोकांलागीं सांगे करुं नका पाप । आपणासी झोंप लागलीसे ॥१॥लोकांसी सांगतो आपण हो भ्रष्ट । पुढें होती कष्ट जाचणीचे ॥२॥जाचील तो यम दया नाहीं त्यासी । काकुलती येसी मग कोणा ॥३॥तुका ह्मणे देव आपुलासा करा । यमाचिया घरा जाऊं नका ॥४॥॥६१३२॥दाटुनीयां पाप करिती संचय । न कळतां सोय विधीमार्गी ॥१॥न करावें तैसें करी आचरण । सांगतां ही नेणे होतो मुर्ख ॥२॥कर्म तैसा दंड बीज तैसें फळ । वोढवी कपाळ माझा होता ॥३॥तुका ह्मणे पाप भिईना जोडीतां । ठेवी भगवंता शब्द मुर्ख ॥४॥॥६१३३॥ऐसे वेषधारी जगांत हिंडती । नानापरी घेती प्रतिग्रह ॥१॥परमार्थ सांगे त्यजावा संसार । आपण साचार भ्रष्ट होय ॥२॥काय भुललासी वरील रंगासी । काय जाय देसी यमसभे ॥३॥तेथें कैंचे अंतीं धनवान जन । सोडवील कोण अपमृत्यु ॥४॥जन्म संवसार त्यजियलें सुख । तोचि निष्कलंक सूर्य जैसा ॥५॥तुका ह्मणे ज्याचे मनीं नाहीं आस । वोळगती त्यास सर्व सिद्धी ॥६॥॥६१३४॥करुनियां स्नान संध्या देवार्चन । नित्य धर्म नेम जे जे कांहीं ॥१॥नेणे लाभ वेंच पदरींचा आदा । झाला भाग्यमंद नेणवेची ॥२॥परान्नासी दृष्टी चंचळ वृत्तीसी । नेणवे लाभासी हाणी आली ॥३॥अंगुष्ठ धुवोनी देतां न लाजेची । पूजा इच्छी रुची आवडीनें ॥४॥तुका ह्मणे गेलें नेणेचि जोडिलें । मजुराचें झालें जिणें ऐसें ॥५॥॥६१३५॥ऐसे कळीं झाले भोंदू । करिती कर्म ह्मणती साधु ॥१॥राख लावुनी अंगास । डोळे झांकी करी दोष ॥२॥दावी वैराग्याची कळा । भोगी विषयसोहळा ॥३॥तुका ह्मणे सांगों किती जळो तयांची संगती ॥४॥॥६१३६॥काय सांगूं वाणी न पुरेची आतां । हित सांगूं जातां दु:ख वाटे ॥१॥काय हे थोरीव मी एक संन्यासी । निंदावें लोकांसी मतांतरें ॥२॥जगाचिया चाली तुम्हासी कारण । राहिलें तें कोण सांगा ऐसें ॥३॥आपुला आपण चालवावा पंथ । असेल जे रीत तैसें करा ॥४॥तुका ह्मणे वेष घेतला संन्यासी । मागिल हे दासी काय काज ॥५॥॥६१३७॥लाविला लंगोटा नेसोनी कांसोटा । आश्रमाचा ताठा वागविती ॥१॥आम्ही ब्रह्मचारी हुंबरती गर्वे । अंतरीं हिरवें न शिजेचि ॥२॥चमकत चाले मोकळा कांसोटा । अभिमान मोठा वागविती ॥३॥साजिरी गोजिरी दिसों लागे कांती । तुका ह्मणे नीति ऐसी नोहे ॥४॥॥६१३८॥ज्ञानीयांचा गर्व लवों नेदी कोणा । संताच्या पूजना नये चित्त ॥१॥ज्ञान सांगे लोकां आपण आंधळा । अज्ञानी वेगळा संगीं राहे ॥२॥तुका ह्मणे अल्प विद्या ज्ञानगंडे । म्हणोनीयां तोंड फोडा त्याचें ॥३॥॥६१३९॥काय लटिकाचि खरा । सोंग दाखवी पसारा ॥१॥सर्व दिसतसे शीण । जारी बाग सोंग जाण ॥२॥बहुरुपी नट । लावी जनालागीं चट ॥३॥तुका ह्मणे ऐसें सोंग । आम्ही जाणतसों ढोंग ॥४॥॥६१४०॥बहुरुपी नरें पालटिलें सोंग । अंतरींचा रंग जागतसे ॥१॥तैसें भक्तजनीं न करावें ऐसें । परमार्थी हांसें न होय तें ॥२॥टिळे माळा मैंद मुद्रा लावी अंगीं । देखों नेदी जगीं फांस कैसे ॥३॥ढिवर हा जैसा मांस लावी गळीं । ओढुनियां नळी फाडितसे ॥४॥तुका ह्मणे करी पराविया हाणी । पुढें पडे दुणी देणें लागे ॥५॥ N/A References : N/A Last Updated : April 12, 2019 Comments | अभिप्राय Comments written here will be public after appropriate moderation. Like us on Facebook to send us a private message. TOP