प्रसंग चवदावा - प्रसंग समाप्ति

समाप्त प्रसंग चौदावा । तोडिल्‍या  पाखांड अविद्येचा हांवा । श्रोत्‍यावक्‍त्‍यांच्या निज दैवा । शेख महंमद वदे ॥१३०॥
श्रोते एकचित्तीं सावधान । ऐका परमार्थाचे करुनी कान । हृदयामाजी व्हावें समाधान । गोदानीरन्यायें ॥१३१॥
गोदानीर ताविल्‍या तापतें । निवविल्‍या निवांत असते । तैशी नव्हेत ही साधुमतें । अनादिसिद्ध शुचित ॥१३२॥
संत तीर्थव्रताचें अधिष्‍ठान । पुण्यपावन साधूचें चरण । म्‍हणोनि सेविती रामकृष्‍ण । अवतार धरूनियां ॥१३३॥
शेख सैय्यद महंमद महंमदीं । ग्रंथ चर्चिला निजप्रेमाचा बोधी । श्रोते पातले आशिर्वादी । जय जयकार वचनें ॥१३४॥