तत्र रविमध्ये रव्यादिपाचकफलम् ।
राजमानं सुखं चैव सम्मानं शत्रुनाशनम् । लभते सौख्यलाभं च रविमध्ये स्वयं रविः ॥१॥
रोगादिनाशं धनधान्यलाभं शत्रुक्षयं प्रीतिसुखोदयं च । सूर्यस्य चन्द्रान्तरसंधिपाके तत्रास्तभाद्वित्रिशुभं करोति ॥२॥
दिवाकरस्यान्तरगः कुजश्च लाभो भयं विक्रमहेमतामम् । सङ्ग्रामधुर्याजयवाहनानि प्रचण्डतां भूपसुखं करोति ॥३॥
देहे च कष्टं ज्वररोगदौस्थ्यं करोति शोकः क्षयशत्रुवैरम् । अर्थक्षयं रोगरुजाप्रवासं बुधो विपाके दिवसेश्वरस्य ॥४॥
पापादिरोगव्यसनादिमुक्तिधर्मों स्वयं ज्ञानसुखागमं च । सूर्यस्तु इज्यान्तरगो विपाके करोति लक्ष्मी धनवर्धनं च ॥५॥
दद्रादिरोगान् गलरोगदोषाञ्छूलं ज्वरं वा सुत्दृदः स्वहर्ता । शस्त्राद्भयं ( ? ) करस्यसंस्थामच्छ्रेयो दैत्यगुरुः करोति ॥६॥
कार्यार्थनाशं क्षितिपालभङ्गं देहो रुजापित्तसमुद्भवं च । विद्युद्भयं बुद्धिविनाशदैन्यं संध्या तु सौरेर्दिवसेश्वरस्य ॥७॥