धनलाभो महासौख्यं स्त्रीलीलापुत्रसंपदः । वस्त्रान्नपानलाभश्चोपदशासु यशः शशी ॥१॥
वृद्धिर्धनागमो बुद्धिबन्धुस्वजनसौत्दृदः । रक्तवस्तुकृतो लाभश्चन्द्रस्योपदशां कुजः ॥२॥
राजमानो महासौख्यं भूतिकल्याणवर्द्धनम् । चन्द्रस्योपदशां प्राप्तो राहुः शत्रुभयावहः ॥३॥
धनधर्मौ महत्तेजो मित्रलाभः सुभोजनम् । सौख्यं च वस्त्रलाभं च चन्द्रस्योपगतो गुरुः ॥४॥
पुत्रबन्धुकृतोद्वेगयुक्तः स्वस्थानवर्जितः । चन्द्रस्योपगते सौरे तुषधान्यादिभोजनम् ॥५॥
शुक्ल वस्त्रस्त्रियां लाभो माङ्गल्यं पुत्रसम्पदः । ह्यभूलाभदश्चैव चन्द्रस्योपगतो बुधः ॥६॥
विरोधः सर्वधर्माणा जीवितं बहुसंशयम् । सर्पाम्बुविषजा भीतिः शिखी चोपदशां गतः ॥७॥
जलोदरादिरोगैस्तु रिपुचौरैर्धनक्षयः । अक्षीरं भोजनं रुक्षमिन्दोरुपगते सिते ॥८॥
विजयं धनसौख्यं च वस्त्रान्नपानलाभकृत् । चन्द्रस्योपदशां भानुः कुरुते नात्र संशयः ॥९॥