क्रूरग्रहदशायां च क्रूरस्यान्तर्दशा यदि । शत्रुयोगे भवेन्मृत्युर्मित्रयोगे न संशयः ॥१॥
मङ्गलस्य दशायां च शनेरन्तर्दशा यदि । म्रियते च चिरंजीवी का कथा स्वल्पजीविनः ॥२॥
क्रूरराशिस्थितः पापः षष्ठे वा निधनेऽपि वा । सितेन रविणा दृष्टः स्वपाके म्रुत्युदो ग्रहः ॥३॥
लग्नस्याधिपतेः शत्रुर्लग्नस्यान्तर्दशां गतः । करोत्यकस्मान्मरणं सत्याचार्येण भाषितम् ॥४॥
प्रवेशे बलवान् खेटः शुभैर्वा स निरीक्षितः । सौम्याधिमित्रवर्गस्थोऽरिष्टभङ्गो भवेत्तदा ॥५॥