दिव्याङ्गनावदनपङ्गजषट्पदस्य
लीलाविलासवरभोगसमन्वितस्य ।
नानाप्रकारविभबागमकोशवृद्धिः
क्षिप्रं पुनर्बुधदशाभिमतार्थसिद्धिम् ॥१॥
बुधमध्ये बुधफलम् ।
बुद्धिर्धर्मसमायोगो मित्रबन्धुसमागमः ।
प्राप्तिर्ज्ञानस्य विपुला देहपीडां प्रकोपनाम् ॥२॥
बुधमध्ये केतुफलम् ।
दुःखशोकाकुलं नित्यं शरीरे क्लेशसंयुतम् ।
भवत्यन्तर्दशायां हि केतुर्यदि बुधस्य च ॥३॥
बुधमध्ये शुक्रफलम् ।
गुरुवस्त्राणि लभ्यन्ते धनधर्मप्रियं तथा ।
वस्त्रालङ्करणैर्युक्तं बुधस्यान्तर्गतः सितः ॥४॥
बुधमध्ये सूर्यफलम् ।
स्वर्णादिकं भवेत्प्राप्तं यशः प्राप्नोति सर्वतः ।
जायास्वस्त्रीभवोद्वेगो बुधस्यान्तर्गते रवौ ॥५॥
बुधमध्ये चन्द्रफलम् ।
कुष्ठगण्डविकारैश्च क्षयरोगभगन्दरौ ।
गजादिवाहनैर्भीतिर्बुधस्यान्तर्गते विधौ ॥६॥
बुधमध्ये भौमफलम् ।
शिरोरोगगले रोगैर्नानाक्लेशविमर्दनम् ।
चौरभङ्गभयं चाथ बुधस्यान्तर्गते कुजे ॥७॥
बुधमध्ये राहुफलम् ।
अकस्माच्छत्रुनिर्घातमकस्मादर्थनाशनम् ।
संपर्कादग्निदाहं च राहोरन्तर्गते बुधे ॥८॥
बुधमध्ये गुरुफलम् ।
व्याधिशत्रुभयैर्मुक्तो ब्रह्मिष्ठो नृपवल्लभः ।
पूतात्मा धर्मकश्चैव बुधस्यान्तर्गते गुरौ ॥९॥
बुधमध्ये शनिफलम् ।
धर्मार्थभोगी गम्भीरः क्लीबो मित्रार्थलुब्धकः ।
सर्वकार्येष्वनुत्साहो बुधे सौरो यदानुगः ॥१०॥