मंगलाचरणम् ।
प्रणम्य सर्वज्ञमनन्यचेतसं लसत्तमं ज्ञानमणिं महोदधिम् ।
दशाफलं वच्मि महर्षिभाषितं स्वबोधरुपं स्वगुरुपदेशात् ॥१॥
तत्रादौ विंशोत्तरीदशानयनम् ।
सूर्ये विंशतिमो भागः शशिनि द्वादशः १२ स्मृतः । सूर्यषड्भागयुज्भौमदशा चान्तर्दशा भवेत् ॥१॥
आदित्यात्रिगुणो राहो रविचन्द्रयुतो गुरुः । सूर्यस्तु द्विगुणो भौमो मिलितस्तु शनिर्भवेत् ॥२॥
बुधश्चन्द्रयुतो भौमः केतुर्मङ्गलवत्सदा । चन्द्रमा द्विगुणः शुक्रः परमायुः प्रकीर्तितम् ॥३॥
षट् ६ दश १० सप्ता ७ ष्टादश १८ षोडशनन्देन्दवो १९ मुनिशशाङ्काः १७ । सप्त ७ नखा २० वर्षाणां रव्यादीनां यथाक्रमशः ॥४॥
कृत्तिकामवधिं कृत्वा भरण्यवधि गण्यते । विंशोत्तरीदशाचक्रं षटत्रिंशद्भिश्च कोष्ठकैः ॥५॥