चक्रं शतपदं वक्ष्ये ऋक्षांशाक्षरसंभवम् । नामादिवर्णतो ज्ञेयमृक्षराश्यंशकं तथा ॥१॥
तिर्यगूर्ध्वगता रेखा रुद्रसंख्या लिखेदबुधः । जायते कोष्ठकं तत्र शतमेकं न संशयः ॥२॥
न्यस्यावकहडादीनि रुद्रादिविशः क्रमात् । पञ्चपञ्च क्रमेणैव विंशद्धर्णान्प्रयोजयेत् ॥३॥
पञ्चस्वरसमायोग एकैकं पञ्चधा कुरु । कुर्यात्कुपुमृदुस्थानि त्रीणि त्रीण्यक्षराणि च ॥४॥
कुघडव भवेत्स्तंभो रौद्रईशानगोचरे । पुषणठ भवेत्स्तंभो हस्तमाज्ञेयसंज्ञके ॥५॥
भधफढ भवेत्पूर्वे दुधडज उत्तरातले । एवं स्तम्भचतुष्कं च ज्ञातव्यं स्वरवेदिभिः ॥६॥
धिष्ण्यानि कृत्तिकादीनि प्रत्येकं चतुरक्षरैः । साभिजित्पञ्चशस्तस्य शतकं द्वादशाधिकम् ॥७॥
यदृक्षांशककोष्ठस्थः क्रूरः सौम्योऽपि वा ग्रहः । यतस्तद्वर्जयेन्नित्यं पुंसो नामाद्यमक्षरम् ॥८॥
सौम्ये विद्धे शुभं ज्ञेयमशुभं पापखेचरैः । मिश्रैर्मिश्रफलं तत्र निर्वेधैन शुभाशुभम् ॥९॥
यदुक्तं सर्वतोभद्रं ग्रहोपग्रहवेधतः । शुभाशुभफलं सर्व तदिहापि विचिन्तयेत् ॥१०॥