लिखित्वा नरचक्रं च यत्र सूर्यो व्यवस्थितः । तन्नक्षत्रादिकं कृत्वा त्रयं दद्याच्च मस्तके ॥१॥
वदने च त्रयं दद्यादेकैकं स्कन्धयोर्द्वयोः । बाहुद्वये तथैकैकं पाणौ चैकैकमेव च ॥२॥
ऋक्षाणि त्दृदये पंच नाभौ स्यादेकमेव हि । ऋक्षं गुह्ये भवेदेकमेकैकं जानुनोर्द्वयोः ॥३॥
नक्षत्राणि षडन्यानि दद्यात्पादद्वये बुधः । पादस्थिते च नक्षत्रे निर्द्धनोऽल्पायुरेव च ॥४॥
विदेशगमनो जातो गुह्ये स्यात् पारदारिकः । अल्पतोषी भवेन्नाभौ त्दृदये चेश्वरस्तथा ॥५॥
तस्करः पाणियुग्मे च बाहौ स्थानच्युतो भवेत् । स्कन्धे गजस्कन्धगामी मुखे मिष्टान्नभोजनम् ॥६॥
मस्तकस्थे च नक्षत्रे पट्टबन्धो भवेन्नरः । सूर्यनक्षत्रतो जन्मनक्षत्रमिति गण्यते ॥७॥
शतवर्षाणि जीवेत शिरोजातो न संशयः । मुखेनाशीतिवर्षाणि स्कन्धाभ्यां च तथैव च ॥८॥
हस्ताभ्यां बाहुयुग्मेन जीवेत सप्तसप्ततिः । त्दृदये अष्टषष्टी च नाभौ चापि तथैव च ॥९॥
गुह्ये च षष्टिवर्षाणि चाष्टौ वर्षाणि जानुनि । पादयोः षट् च वर्षाणि रविचक्रे क्रमेण च ॥१०॥