पापाः सर्वे धनस्थाने धनहानिकरा मताः । अन्यैः सौम्यैः शुभं सर्वमृद्धिवृद्धिधनादिकम् ॥१॥
क्रूराश्चतुर्षु केन्द्रेषु तथा क्रूरो धनेऽपि च । दरिद्रयोगं जानीयात्स्वपक्षस्य भयंकरः ॥२॥
अष्टमस्थो यदा भौनास्त्रिकोणे नीचगो रविः । स शीघ्रमेव जातः स्याद्भिक्षाजीवी च दुःखितः ॥३॥
कन्यायां च यदा राहुः शुक्रौ भौमः शनिस्तथा । तत्र जातस्य जायेत कुबेरादधिकं धनम् ॥४॥
अर्ककेन्द्रे यदा चन्द्रो मित्रांशे गुरुणेक्षितः । वित्तवाञज्ज्ञानसंपन्नो जायते च तदा नरः ॥५॥
स्वक्षेत्रस्थो यदा जीवो बुधः सौरिस्तथैव च । तदा जातः स दीर्घायुः संपत्तिश्च पदेपदे ॥६॥
लग्नं लग्नेशसंयुक्तं यस्य जन्मनि जायते । न मुञ्चन्ति गृहं तस्य कुलस्त्रिय इव श्रियः ॥७॥
चन्द्रेण मङ्गलो युक्तो जन्मकाले यदा भवेत् । तस्य जातस्य गेहं तु लक्ष्मीर्नैव विमुञ्चति ॥८॥
मासमध्ये तु यत्संख्यदिवसैर्जायते पुमान् । तत्संख्यवर्षभुक्तौ तु लक्ष्मीभर्वति निश्चितन् ॥९॥