अनृतको बहुवित्तो निपुणोऽतिशठो गुणाधिको लुब्धः । वृद्धस्त्रीप्रसक्तः कुलाग्रणीः शशिनि भौमबुधमध्ये ॥१॥
ख्यातः कर्मसु कितवो बहुधनवैरस्त्वमर्षणो धृष्टः । आरक्षकः कुजगुर्वोर्मध्यगते शशिनि संग्राही ॥२॥
'' उत्तमरामासुभगो विषादशीलोऽस्त्रविद्भवेच्छूरः । व्यायामी रणशीलः सितारयोर्मध्यगे चन्द्रे ॥ ''
उत्तमसुरतो बहुसंचयकारको व्यसनसक्तः । क्रोधी पिशुनो रिपुमान् यमारयोः स्याहुरधरायाम् ॥३॥
धर्मरतः शास्त्रज्ञो वाक्पटुः सर्ववर्द्धनः समृद्धः । त्यागयुतो विख्यातो गुरुबुधमध्यस्थिते चन्द्रे ॥४॥
प्रियवाक् सुभगः कान्तः प्रवृत्तगो यदि सुकृतवान् नृपतिः । सौख्यः शूरो मंत्री बुधसितयोर्मध्यगे च हिमकिरणे ॥५॥
देशेदेशे गच्छति वित्तवशो नास्ति विद्यया सहितः । चन्द्रेऽन्येषां पूज्यः स्वजनविरोधी ज्ञमन्दयोर्मध्ये ॥६॥
धृतिमेधः स्थैर्ययुतो नीतिज्ञः कनकरत्नपरिपूर्णः । ख्यातो नृपकृत्यकरो गुरुसितयोर्दुरुधरायोगे ॥७॥
सुखनयविज्ञानयुतः प्रियवाग्निद्वान् धुरंधरो मर्त्यः । ससुतो धनी सुरुपश्चन्द्रो गुरुभार्गवे तुलान्तरगे ॥८॥
वृद्धवनितः कुलाढ्यो निपुणस्त्रीवल्लभो धनसमृद्धः । नृपसत्कृतं बहुज्ञं कुरुते चन्द्रः शनिसितयोः ॥९॥