सप्तांशपे चन्द्रयुते च दृष्टे सौम्येक्षिते स्यात्स्वसहोदरे स्यात् ।
अत्युग्रताकान्तियशोऽभिवृद्धिर्मैत्राधिको मैत्रयुतः प्रगल्भः ॥१॥
सप्तांशके च ये खेटा नीचस्था रविवर्जिताः । तेषां बलवतो ज्ञेया बन्धूनां चिन्तया स्थिताः ॥२॥
वर्गेऽन्तिमांशे ये खेटा उच्चस्था वा स्ववर्गगाः । अश्वादिवाहने दक्षः शूरो बन्धुविवर्जितः ॥३॥
नृपपूज्यो भवेन्नित्यं सर्वकार्यार्थसंपदा । सप्तवर्गग्रहाश्चैवमुच्चस्थाः शुभवर्गगाः ॥४॥
नित्यं भुञ्जयते लक्ष्मीर्वरदा सत्यवादिनी । सप्तांशे भ्रातृभवने रजिर्जीवश्च भूमिजः ॥५॥
पश्चाज्जाता पितुः पुत्रं शुक्रचन्द्रज्ञकन्यकाः ॥६॥
उच्चस्थक्षेत्रगाः खेटाः सप्तांशे खचराः स्थिताः । महाधनी च भवति नीचस्थे च दरिद्रकः ॥७॥