धीरः प्रचण्डः कुशलो गौरः शूरः कलानिधिश्चतुरः ।
दण्डपतिर्धनयुक्त उच्चस्थो भास्करः कुरुते ॥१॥
विज्ञानधनसमेतो पात्रपवित्रं च कामिनीविरही ।
बहुजनताजनवल्लभ उच्चस्थो हिमकरः कुरुते ॥२॥
उग्रदृढप्रहारं क्रूरं शस्त्रं वचनबहुविदितम् ।
नृपकुलवल्लभशूरो ह्युच्चस्थो भूसुतः कुरुते ॥३॥
चित्तबुद्धिबलिष्ठो मंत्राक्षरः क्रियालसः सौरः ।
अतिमतिविभवो बालो पापविमुक्तश्च उच्चगः शशिजः ॥४॥
स्वाचारः शुभयुक्तः सुन्दरवदनश्च मण्डलो मुदितः ।
बहुभृत्यो भूभुजानां च मन्त्री गुरुरुच्चगो यस्य ॥५॥
देवज्ञानकुशलो यन्त्री तन्त्री च गायकः कवीशः ।
कमलाविलासलापी दैत्यगुरुरुच्चगः कुरुते ॥६॥
सुस्रक्कार्मुकवृत्तिर्विख्यातसकलवाहनसुरः ।
मैत्री साहसधौर्त्या मायावी उच्चगः सौरिः ॥७॥
क्रूरो दुष्टबलिष्ठो साहसनितरस्थमन्त्रिणां सुसुरः ।
राज्यकमलामणिमण्डितस्वर्भानुरुच्चगः कुरुते ॥८॥
स्थविरः स्थविलो नीचाचारो मिथ्या भवेद्भमणशीलः ।
परकर्मलिप्तकमलो व्यासानुमत्तमः शिखिनः ॥९॥