निष्ठुरदन्तो वदनः समांत्रस्थूलजङ्घकरपादः ।
स्त्रीविवाहार्जितचित्तो भानुर्नीचस्थितः कुरुते ॥१॥
नृत्यकवादकजल्पकधूर्तकृतश्चापि संगतिः सहसा ।
कुमतिः संशयनिरतो नीचस्थो हिमकरः कुरुते ॥२॥
लक्ष्मीर्ह्यत्युग्रबला स्थिरविभवो बुद्धिमान्गुणज्ञः ।
रात्रिंचरोऽतिचौरो दुष्टात्मा भूसुतः कुरुते ॥३॥
शुभमतिर्वरयुवतिः शुभशीला भर्तृवचन अनुमुदिता ।
संततिपुत्रविहीनो नीचस्थश्चन्द्रजः कुरुते ॥४॥
दिव्यस्त्रीवरकाञ्चनपुष्पफलप्रकरपूजितः पुरुषः ।
भर्त्ता देशान्तरस्थो नीचस्थः सुरगुरुः कुरुते ॥५॥
अतिकौतुकी विनोदी सभासु सुवाक्सदा प्राज्ञः ।
राज्यकलामणिमण्डितो नीचस्थो भार्गवः कुरुते ॥६॥
शत्रूणां क्षयकारको दृढवपुर्दीप्ताग्निकान्तिश्चलो
देशग्रामपुरादिपत्तनबली साम्राज्यराज्याधिपः ।
स्वेच्छाचारविचारदक्षसुभगः स्त्रीसौख्ययुक्तः सदा
ज्ञातिभ्रातृजनान्वितं च कुरुते नीचस्थितार्किः सदा ॥७॥
दुर्भगश्च खलो दुष्टः पापात्मा दुष्टबुद्धिकृद्वहुलः ।
स्वकुटुंबपक्षहीनो नीचस्थो राहुरिति कुरुते ॥८॥
कुशीलोऽपि तथा काणः स्त्रीविरही दुःखकामिनो विरुचः ।
अतिपक्षदक्षकुशलो नीचस्थकेतुरपि कुरुते ॥९॥