द्रव्यपतिर्लग्नगतः कृपणं व्यवसायिनं सुकर्माणम् ।
धनिनं श्रीपतिविदितं करोति नरमतुलभोगयुतम् ॥१॥
व्यवसायी च सुलाभी उत्पन्नभुगलीककारको नीचः ।
आलिककृद्विदितः पूर्णोद्वेगी धनपतौ धनगे ॥२॥
धनपे सहजगते बन्धोर्भेदनावर्जिते क्रूरे ।
सौम्ये राजविरोधो भूतनये तस्करः पुरुषः ॥३॥
तुर्यगते द्रविणपतौ पितृलाभपरः सत्यदयायुक्तः ।
दीर्घायुः क्रूरे खगे पुनरथवा मरणं विनिर्देश्यम् ॥४॥
तनयकमलविलासी कर्मणि कष्टतरं प्रसिद्धं च ।
कृपणं दुःखनिधानं तनयगतो धनपतिः कुरुते ॥५॥
षष्ठगतो द्रविणपतिर्धनसंग्रहतत्परं रिपुघ्नं च ।
भूलाभिनं सुखचरैः पापैर्धनवर्जितं पुरुषम् ॥६॥
धनपेन च सप्तमगे श्रेष्ठगचिन्ताविलासभोगवती ।
धनसंग्रहणी भार्या क्रूरे खेचरे भवेद्वन्ध्या ॥७॥
धनपेऽष्टमभुवनस्थे अष्टकपाली चात्मघातकः पुरुषः ।
उत्पन्नभुग्विलासी परधनहिंसी भवति दैवपरः ॥८॥
धनपे धर्मगृहस्थे सौम्ये दानप्रसिद्धवाग्भवति ।
क्रूरे दरिद्रभिक्षुको विडम्बवृत्तिस्तथा मनुजः ॥९॥
दशमगृहगे धनपे नरेन्द्रमान्यो भवेन्नृपाल्लक्ष्मीः ।
सौम्यगृहगे च मातुर्मनुजः पितृपालको भवति ॥१०॥
एकादशगः खेचरव्यवहारे श्रीपतिः ख्यातः ।
लोकौघप्रतिपालनरतख्यातं च नरं भवेज्जातम् ॥११॥
द्रविणपतौ व्ययलीने पुरुषं कृपणं धनवर्जितं क्रूरे ।
सौम्ये लाभालाभं ख्यातं नरं भवेज्जातम् ॥१२॥