चन्द्रात्प्रथमगो जीवो जीवयोग्यो भवेन्नरः ।
व्याधिना रहितः शूरो निर्धनो न कदाचन ॥१॥
चन्द्राद्वितीयगो जीवो राजमान्यः शतायुषी ।
अत्युग्रश्च प्रतापी च धर्मिष्ठः पापवर्जितः ॥२॥
चन्द्रात्तृतीयगे जीवे नारीणां वल्लभो भवेत् ।
धनवृद्धिः पितुर्गेहे वर्षे सप्तदशे तथा ॥३॥
चन्द्राच्चतुर्थगो जीवः सुखैश्चैव विवर्जितः ।
मातृपक्षे महाकष्टी परेषां गृहकर्मकृत् ॥४॥
चन्द्रात्पंचमगो जीवो दिव्यदृष्टिर्भवेन्नरः ।
तेजस्वी पुत्रदा नारी ह्यत्युग्रश्च महाधनी ॥५॥
चन्द्राच्च षष्ठगो जीवो ह्युदासी गृहवर्जितः ।
आयुर्बाह्यं भवेत्पुंसां भिक्षाभोक्ता व्यवस्थितः ॥६॥
चन्द्राच्च षष्ठगो जीवो ह्युदासी गृहवर्जितः ।
आयुर्बाह्यं भवेत्पुंसां भिक्षाभोक्ता व्यवस्थितः ॥६॥
चन्द्रात्सप्तमगो जीवो बहुजीवी व्ययं विना ।
स्थूलदेही क्लीबपाण्डुर्गृहमध्ये च नायकः ॥७॥
चन्द्रादष्टमगो जीवो देहरोगी सदा नरः ।
सुतातोऽपि महाक्लेशी सुखं स्वप्न न दृश्यते ॥८॥
चन्द्रान्नवमगो जीवो धर्मिष्ठो धनपूरितः ।
सुमार्गे सुगतश्चैव देवगुर्वोश्च सेवकः ॥९॥
चन्द्राद्दशमगो जीवो जन्मकाले यदा भवेत् ।
पुत्रदारपरित्यागी तपस्वी च भवेन्नरः ॥१०॥
चन्द्रादेकादशे जीवो जन्मकाले यदा भवेत् ।
अश्वारुढो भवेत्पुत्रो राजतुल्यो भवेन्नरः ॥११॥
चन्द्रादद्वादशगो जीवो जन्मकाले यदा भवेत् ।
स्यात्कुटुंबविरोधी च सुखं शत्रोर्दशाग्रहे ॥१२॥