चन्द्रात्प्रथमगो भानुर्जन्मकाले यदा भवेत् ।
विदेशगामी भोगी च कलहे कृतवासनः ॥१॥
जन्मकाले यदा भानुर्द्वितीयो यदि चन्द्रतः ।
बहुभृत्ययशाश्चैव राजमान्यो भवेन्नरः ॥२॥
चन्द्राद्भानुस्तृतीयश्च जन्मकाले यदा भवेत् ।
स्वर्णार्थीशो शुचिश्चैव राजतुल्यो भवेन्नरः ॥३॥
चन्द्राच्चतुर्थगो भानुर्जन्मकाले यदा भवेत् ।
गणकाः कथयन्त्येव मातृहन्ता न भक्तिमान् ॥४॥
चन्द्रात्पञ्चमगो भानुर्जन्मकाले यदा भवेत् ।
सुताभिश्चासुखी चैव बहुपुत्री भविष्यति ॥५॥
चन्द्रात्षष्ठगतो भानुर्जन्मकाले यदा भवेत् ।
शत्रूणां विजयी शूरः क्षात्रकर्मरतः सदा ॥६॥
जन्मकाले यदा भानुश्चन्द्रात्सप्तमगो भवेत् ।
सुस्त्री सुशीलचारी च राजमान्यो महातपाः ॥७॥
चन्द्रादष्टमगो भानुर्जन्मकाले यदा भवेत् ।
सर्वदा क्लेशकारी च ह्यातिरोगात्प्रपीडितः ॥८॥
चन्द्रान्नवमगो भानुर्जन्मकाले यदा भवेत् ।
धर्मात्मा सत्यवादी च बन्धक्लेशी सदा भवेत् ॥९॥
चन्द्राद्दशमगो भानुर्जन्मकाले यदा भवेत् ।
तस्य द्वारेषु तिष्ठन्ति धनवन्तो न संशयः ॥१०॥
चन्द्रादेकादशे भानुर्जन्मकाले यदा भवेत् ।
राजगर्व्यतिवेत्ता च प्रसिद्धः कुलनायकः ॥११॥
चन्द्राद्वादशगो भानुर्जन्मकाले यदा भवेत् ।
तेजहीनो नयनयो रोषावेशात्प्रमुच्यते ॥१२॥