मराठी मुख्य सूची|मराठी साहित्य|अनुवादीत साहित्य|धर्मसिंधु|तृतीय परिच्छेद : पूर्वार्ध ५|
गृहारंभास मुहूर्त

धर्मसिंधु - गृहारंभास मुहूर्त

हिंदूंचे ऐहिक, धार्मिक, नैतिक अशा विषयात नियंत्रण करावे आणि त्यांना इह-परलोकी सुखाची प्राप्ती व्हावी ह्याच अत्यंत उदात्त हेतूने प्रेरित होउन श्री. काशीनाथशास्त्री उपाध्याय यांनी ’धर्मसिंधु’ हा ग्रंथ रचला आहे.

This 'Dharmasindhu' grantha was written by Pt. Kashinathashastree Upadhyay, in the year 1790-91.


वैशाख, फाल्गुन, पौष, श्रावण व मार्गशीर्ष या मासात घर बांधण्यास आरंभ व प्रवेश करणे, तसेच खांब उभा करणे ही शुभकारक होत. ज्येष्ठ, कार्तिक व माघ हे मास गृहकर्मास शुभप्रद आहेत, असे नारद म्हणतात. तृणगृह सर्व मासात बांधावे. पौष मासात मुख्य गृह बांधू नये. हस्त, चित्रा, स्वाति, ध्रुव व मृदु संज्ञक नक्षत्रे, धनिष्ठा, शततारका व पुष्य ही नक्षत्रे असता रिक्तातिथि, रविवार व मंगळवार वर्ज्य करून गृहास आरंभ करावा; व गृहप्रवेशही करावा. श्रवण, अश्विनी, क्रूर संज्ञक, अनुराधा, आश्लेषा, मूळ, पुष्य, हस्त, म्रुग, रेवती व ध्रुव या नक्षत्रांवर शिलान्यास व खात ही करावी. केंद्रस्थानी व अष्टमस्थानी पापग्रह नसता स्थिरलग्नावर गृहकृत्य करावे. धनिष्ठापंचक असताना घराचा खांब शहाण्याने पुरू नये. सूर्य नक्षत्रापासून दिवसनक्षत्रापर्यंत नक्षत्रे मोजिली असता पहिली सात नक्षत्रे अशुभ, ८ ते ११ शुभ व बाकीची १० नक्षत्रे अशुभ याप्रमाणे वृषवास्तु चक्र पाहून शुभ नक्षत्री गृहास आरंभ करावा. किंवा चौथ्या, पंधराव्या व तेविसाव्या नक्षत्रापासून क्रमाने ४।४।५ ही नक्षत्रे गृहस्तंभ व गृहप्रवेश यांस अशुभकारक होत. मुख्य गृहाचे पूर्व दिशेपासून स्नानगृह, पाकगृह, भांडारगृह व देवगृह याप्रमाणे गृहे करावीत. ध्रुव मुखावरून उत्तर दिशा जाणून प्राची दिशा साधावी. कोण, मार्ग, घरट, कुलालचक्रादियंत्र, विहीर, द्वार, चिखल, स्तंभ, वृक्ष व देव यांच्या समोरासमोर असलेले गृहद्वार दुष्ट होय. पण गृहाच्या उंचीच्या दुपटीने कोणादिकांचे अंतर असल्यास हा दोष नाही. सूत्रन्यास, भिंतीचा आरंभ, शिलान्यास व खांब पुरणे यांचा आरंभ आग्नेय दिशेपासून करावा असे कश्यप म्हणतात. एका घराला लाविलेले लाकूड दुसर्‍या घराला लावू नये. नवीन घरास नवीन व जुन्या घरास जुनी लाकडे प्रशस्त होत. ३२ हातापेक्षा अधिक गृह, चतुर्द्वार गृह व बृणगृह ही कर्तव्य असता शाहण्याने आयव्ययादि गुणांचा विचार करू नये.

N/A

References : N/A
Last Updated : June 26, 2008

Comments | अभिप्राय

Comments written here will be public after appropriate moderation.
Like us on Facebook to send us a private message.
TOP