भक्ति गीत कल्पतरू - हरीरे तुझी ही करणी । वर्ण...

हरीरे तुझी ही करणी । वर्णूं न शके मम वाणी ॥धृ०॥

तूं रंकाला राव करीसी । सुखसागर दीनाला देसी ।

भक्ताची सेवा करिसी । त्या घरीं भरुनी पाणी । हरीरे० ॥१॥

तू त्रैलोक्याचा नाथ । पाळीसी दीन अनाथ । पुरवुनी मनोरथ ।

जावुनी त्यांच्या सदनीं । हरीरे० ॥२॥

हें अज्ञ बालक तूझें । सर्वस्व तुजवरी ओझें ।

पुरवावें कोड माझें । करी गोड अभंग वाणी । हरीरे० ॥३॥

ते गोड गोद तूझे गुण । गाईन अभंग वाणीन ।

प्रेमाने रंगु दे मन । वारी ही शरण चरणीं । हरीरे० ॥४॥