आरती बुधवारची - एकवीस स्वर्ग मुकुट सप्तही...


देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.

आरती बुधवारची

एकवीस स्वर्ग मुकुट सप्तही पाताळ चरण ॥
अगम्य गम्य रुप आनंदघन ॥
मयूरपूर रहिवास कैलास (स्वानंद) भुवन ॥
ब्रह्मादिक सुरवरां नकळे महिमान ॥
जयदेव जयदेव जय जय गजवदना ॥
आदि पुरुषा भाळिं चंद्र त्रिनयना ॥
कृपा अमृत घन भवताप शमना ॥
उजळूं अष्टभावें आरति तव चरणा ॥१॥धृ०॥
सहस्त्रवदनें शेष वर्णिंता झाला ॥
नकळे तुमचा महिमा स्तवितां श्रमला ॥
मौन धरुनि वेद श्रुति परतल्या ॥
तोचि (हाचि) मोरेश्वर विश्वंभरीं अवतरला ॥जयदे० ॥२॥
कोटि सूर्य प्रकाश कोटि (शशि) निर्मळ ॥
सर्वात्मा सर्वांजीवीं जिव्हाळा ॥
मोरया गोसावी पाहे अवलीला ॥
देव भक्त प्रेमें घेति सोहळा ॥ जयदेव० ॥३॥
Translation - भाषांतर
N/A

References : N/A
Last Updated : 2016-07-22T12:14:51.2900000