संत तुकाराम - आणिक नाहीं तुज मागणें । र...

संत तुकाराम गाथेत समाविष्ट न केलेले अप्रसिद्ध अभंग


अभंग ३१६.

आणिक नाहीं तुज मागणें । राज्य चाड संपत्ति धन ।

जिव्हे घेतां सुख जेणें । तें हें नाम तुझें ॥१॥

तुझें रुप सर्वां ठायीं । देखें ऐसें प्रेम देईं ।

नीववा जी पायीं । अनुभव चित्ताचा ॥२॥

जन्ममरणाचा बाध । उन्मळुनी तुटो कंद ।

लागो हाचि छंद । हरि गोविंद वाचेसी ॥३॥

काया पालटे दर्शनें । अवघें कोंदाटलें चैतन्य ।

जीवशिवखंडण । होय तें चिंतितां ॥४॥

तुका म्हणे याचि भावें । आम्ही घालूं तुझ्या नांवें ।

सुखें जन्म व्हावें । भलतेंचिया भलतेंसी ॥५॥

Translation - भाषांतर
N/A

References : N/A
Last Updated : 2008-03-22T04:14:31.7670000