तुळशीची आरती - वृंदावनवासी जय माये तुळसी...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.


तुळशीची आरती

वृंदावनवासी जय माये तुळसी ।

शिवहरिब्रह्मादीकां तूं वंद्य होसी ॥

मृत्युलोकी प्रगटुनि भक्ता उद्धरिसी ।

तुझें दर्शन होतां जळती अघराशीं ॥ १ ॥

जय देव जय देवी जय तुळसी माते ।

करिं वृद्धीं आयुध्य नारायणवनिते ॥ धृ. ॥

कार्तिकशुक्लद्वादशि कृष्णाशीं लग्न ।

तुझे वृंदावनी निशिदिनिं श्रीकृष्ण ॥

स्वर्गाहुनी वृष्टी करिती सुरगण ।

भक्त चिंतन करितां करिसी पावन ॥ जय. ॥ २ ॥

त्रिभुवनिं तुझी सेवा करिती त्रिकाळ ।

त्यांतें सुख देऊनी तारी गोपाळ ॥

तुझें स्तवन ऎकुनि कांपति कळिकाळ ।

पावन करि मज म्हणे मोरो बल्लाळ ॥ जय. ॥ ३ ॥

Translation - भाषांतर
N/A

References : N/A
Last Updated : 2012-08-30T21:28:25.0800000