गुरूची आरती - फळलें भाग्य माझें । धन्य ...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.


गुरूची आरती

फळलें भाग्य माझें । धन्य झालों संसारी ।

सद्‌गुरु भेटला हो ॥ तेणें धरियलें करीं ।

पश्चिमें चालवीलें आत्मस्तुती निर्धारी ॥

त्रिकुटा वरी नांदे । देंखीयेली पंढरी ॥ १ ॥'

तें सुख काय सांगूं । वाचे बोलता नये ॥

आरतिचेनि गुणें । मलें मीपण माये ॥ धृ. ॥

राउळामाजीं जातां । राहे देह अवस्था ॥

मन हे उन्मन झालें । नसे बद्धतेची वार्ता ॥

हेतु हा मावळला । शब्द आली नि:शब्दता ॥

तटस्थ होउनि ठेलो । नीजरुप पहातां ॥ २ ॥

त्रिगुण गुण बाई । पूर्ण जळत्या वाती ॥

नवलाव अविनाश । न समायें स्वयंज्योती ।

पाहतां लक्ष तेथें ॥ हालूं विसरली पातीं ।

नातुडे माझें । नाही दिवसराती ॥ ३ ॥

आरती सद्‌गुरुची । उजळली अंतरी ॥

प्रकाश थोर झाला । सांठवेना अंबरी ॥

रविशशि मावळलें । तया तेजामाझारीं ॥

वाजती दिव्य वाद्यें अनुहाते गजरी ॥ ४ ॥ आनंदसागरांत ॥

प्रेमें दीधली बूडी ॥ लाधलों सौख्य मोठें ।

न यें बोली ॥ सद्‌गुरुचेनि संगे ।

ऎसी आरती केली ॥ निवृत्तीनें आनंदाची ।

तेथे वृत्ती निमाली ॥ ५ ॥

Translation - भाषांतर
N/A

References : N/A
Last Updated : 2012-08-30T21:28:25.0800000