गुरूची आरती - आरती सद्‌गुरुची । सुख कल्...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.


गुरूची आरती

आरती सद्‌गुरुची । सुख कल्पतरुची ॥

सच्चिदानंद नामें । गातां अतर्क्य रुची ॥ धृ. ॥

चिच्छक्ति सत्व झालें ।ज्ञान प्रत्यया आलें ॥

सत्पदात्मचि तेव्हां । नाम चित्पदा केलें ॥ १ ॥

इंद्रीयां विश्वगम्य । रजतमही शम्य ॥

सत्पदी भासताहे । दोरी भुजगोपम ॥ २ ॥

सत्व हें उपनेत्र । त्यागे पाहती नेत्र ॥

पाहणें नेत्रधर्म । हा उपनेत्र हेतु मात्र ॥ ३ ॥

सत्पद अधिष्ठान । तेंची चित्पदज्ञान ॥

उठता ज्ञानशक्त । नसे वस्तूची आन ॥ ४ ॥

शर्करा शुभ्र साची ॥ गोडी चाखतां तीची ॥

वस्तुसी बोध नाहीं ॥ रीति अनुभवाची ॥ ५ ॥

दृष्टीसी शुभ्ररुप गोड नसतें तूप ।

सच्चिदानंद तीन्ही ॥ पिंड एक स्वरूप ॥ ६ ॥

सुषुप्ती माजीं ऊरे ॥ नित्यसुख तें स्फुरे ॥

लाभ तो बोलवेना ॥ जेथें मन ही मुरें ॥ ७ ॥

मृगास जल भेटें ॥ सूख विषयीं वाटे ॥

विषय मृगजळ ॥ ऊर धांवतां फुटे ॥ ८ ॥

इंद्रिया भोगलाहो दोही तरंग देहो ॥ दोहींत अंत्य वस्तु ॥

तेचि आनंद डोहो ॥ ९ ॥

श्रीगुरु स्वात्मयोगी ॥ तो चित्स्वरुपा भोगी ॥

वामन भाग्यवंत ॥ अनुभवी या जगी ॥ १० ॥

Translation - भाषांतर
N/A

References : N/A
Last Updated : 2012-08-30T21:28:25.0800000