कांकडआरती रामाची - कांकड -आरती परमात्मया रघु...

कांकडआरती रामाची


कांकडआरती रामाची

कांकड-आरती परमात्मया रघुपती ।

जीवीं जीवा ओंवाळित निजीं निजात्मज्योति ॥ध्रु०॥

त्रिगुण कांकडा द्वैतधृतें तिंबिला ।

उजळली आत्मज्योति तेणें प्रकाश फांकला ॥१॥

काजळी ना दीप अवधें तेज डळमळ ।

अवनी ना अंबर अवधा निगूढ निश्चळ ॥२॥

उदय ना अस्त जेथें बोध प्रातःकाळीं ।

रामी रामदास सहजीं सहज ओंवाळी ॥३॥

Translation - भाषांतर
N/A

References : N/A
Last Updated : 2012-08-30T21:28:25.0800000