भूपाळी नद्यांची - प्रातःकाळीं प्रातःस्नान ।...

देव रात्रीं झोंपला आहे. त्याला झोंपेतून उठविण्यासाठी पहांटेच्या भूप रागांत गाणें गावयाचें ही कल्पना भूपाळ्यांत आहे.

Poems that can be sung early morning while remembering God.


भूपाळी नद्यांची

प्रातःकाळीं प्रातःस्नान । घडे केलिया स्मरण ।

महादोषांचें दहन । महिमा गहन पुराणीं ॥ध्रु०॥

गंगा यमुना सरस्वती । कृष्णा वेण्या भागीरथी ।

पूर्णा फल्गु भोगावती । रे गौतमी वैतरणी ॥१॥

काळी कालिंदी किंकिणी । कपिलायणी इंद्रायणी ।

नलिणी अर्चिणी धर्मिणी । ताम्रवर्णी नर्मदा ॥२॥

कुंदा वरदा माहेश्वरी । तुंगभद्रा आणि कावेरी ।

घटपाटपती मलप्रहरी । दुरितहरी जाह्नवी ॥३॥

भीमा वरुणा मंदाकिनी । पूर्णपदा पुन्हपुन्ही ।

वज्रा वैष्णवी त्रिवेणी । कुमुदिनी नारदी ॥४॥

मनकर्णिका वेदावती । कुकुद्वती हेमावती ।

सीता प्रयागी मालती । हरिद्वयती गंडिका ॥५॥

सरयू गायत्री समुद्रा । कुरुक्षेत्रा सुवर्णभद्रा ।

दास म्हणे पुण्यक्षेत्रा । नाना नद्या गोविंदीं ॥६॥

Translation - भाषांतर
N/A

References : N/A
Last Updated : 2013-11-10T18:28:43.9300000