एक्यायंशीवी केली, भावे मी मित्रासी ॥ ज्याने या नेत्रांसी ज्ञान द्ले ॥८१॥
ब्यांशीवी करुनी, वंदुनी रविसी ॥ वर्णिता गुणांसी वर्णवेना ॥८२॥
त्र्यांशीवी करुनी, नमस्कार सूर्या ॥ अवस्थाही तुर्या, ओलांडण्या ॥८३॥
चौर्यांशीवी करुनी, प्रदक्षिणा भानू ॥ टेकूनिया जानू, अर्पी अर्घ्य ॥८४॥
पंचायशीवी करुनी, नमिते खगासी ॥ अज्ञानी दीनासी ॥ उद्धरावे ॥८५॥
शायशीवी करुनी, नमिते मी पूष्णा ॥ हरो माझी तृष्णा, देहातिल ॥८६॥
सत्यायशीवी केली, हिरण्यगर्भासी ॥ दिली ज्ञानराशी, प्रेमे त्याने ॥८७॥
अठ्याशीवी करुनी, वंदिते मरिचास ॥ करो तिमिरास, दूर माझ्या ॥८८॥
एकोणनव्वदाव, केली आदित्यास ॥ संसृतीचा पाश, तोडी माझा ॥८९॥
नव्वदावी करुनी, वंदिते सविता ॥ देतो जो जगता, प्रकाशासी ॥९०॥
एक्याण्णवावी करुनी, वंदीला मी अर्क ॥ वर्णिता कवितर्क, खूंटले ज्या ॥९१॥
ब्याणणावी करुनी, वंदीला भास्कर ॥ नवग्रही थोर, हाचि देव ॥९२॥
त्र्याण्णवावी फेरी, करूनी प्रभाकरा ॥ जोडिते मी करा, घडोघडी ॥९३॥
चवर्याण्णवावी केली, सहस्त्रकिरणा ॥ सर्वांच्या तो प्राणा, रक्षितसे ॥९४॥
पंचाण्णवावी केली, सूर्यनारायणा ॥ येऊ दे करुणा, किंकरीची ॥९५॥
शहाण्णवावी करुनी, वंदी दीनपती ॥ तुजे पायी मती, नित्य जडो ॥९६॥
सत्याण्णवावी फेरी केली तमोहरा ॥ ज्ञानोदय करा, देही माझ्या ॥९७॥
अठ्याण्णवावी करुनी, दोकर जोडिले ॥ अर्घ्यदान दिले, प्रातःकाळी ॥९८॥
नव्याण्णवावी करुनी, धरी पाय तुझे ॥ हरी दोष माझे कृपावंता ॥९९॥
पंचायतन देवा शत भावे केल्या ॥ कृष्णेने या फेर्या, भ्रमनाशा ॥१००॥
करी प्रदक्षिना, शतावरि एक ॥ सद्गुरुची लेक, कृष्णाबाई ॥१०१॥
करी प्रदक्षिणा, शतावरि दोन ॥ सदगुरुचे सान कृष्णाबाई ॥१०२॥
करी प्रदक्षिणा, शतावरी तीन ॥ गुरुपदी लीन, कृष्णाबाई ॥१०३॥
करुनी प्रदक्षिणा, शतावरी चार ॥ पदी मागे थोर, कृष्णाबाई ॥१०४॥
प्रदक्षिणा करी, शतावरी पाच ॥ मोक्ष मागे साच, कृष्णाबाई ॥१०५॥
केल्या प्रदक्षिणा, शतावरी सहा ॥ दीन म्हणे पाहा, कृष्णाबाई ॥१०६॥
शतावरी सात, केल्या गुरुवरा ॥ मागे मोक्ष बरा, कृष्णाबाई ॥१०७॥
करुनी प्रदक्षिणा, शतअष्टोत्तर ॥ भजे निरंतर कृष्णाबाई ॥१०८॥
माळेमधे एक, राहे मेरुमणी ॥ करी तो घेवूनी नमे रामा ॥१०९॥