मराठी मुख्य सूची|मराठी साहित्य|गाणी व कविता|भा. रा. तांबे|संग्रह ४|
तुझे चरण पाहिले

तुझे चरण पाहिले

भा.रा.तांबे यांच्या कविता अत्यंत हळुवार असून त्या मनाला भिडतात
Tags :

भाग्य उजळलें तुझे चरण पाहिले, ध्रु०

लागुनिया तुझे चरण

घर झालें हें पावन

इडापिडा जाति पळुन

ह्रदय विकसलें. १

नामाचा तुझ्या गजर

लाजति मुनिवर निर्जर

आनंदें भरलें घर

नयन-फळ मिळे. २

घडलें करिं तव पूजन

मुखें नामसंकीर्तन

दर्शनसुख घेति नयन

अंग हर्षलें. ३

करुणेचा तूं ठेवा

केली कशितरि सेवा

गोड करुनि परि देवा

सकळ घेतलें. ४

आतां परि करिसि गमन

पुनः पुनः दे दर्शन

हेंचि विनविं शिर नमवुन

हात जोडिले. ५

N/A

कवी - भा. रा. तांबे

ठिकाण - लष्कर ग्वाल्हेर

दिनांक - ११ नोव्हेंबर १९४१
Last Updated : October 11, 2012

Comments | अभिप्राय

Comments written here will be public after appropriate moderation.
Like us on Facebook to send us a private message.
TOP