आज्ञापत्र - पत्र ५०

किल्याची सेवा परम कठीण. शासन परम उग्र. शासन न करिता किल्याचे काम सर्वसाधारण होऊन जाणार यैसें सर्वथा न करावें. शरीरसंबंधी, आप्तविषयीं अथवा त्यांचे निसबतीचे लोक, अंतरे पडलिया ज्यांस शासन करितां आपणांस संकोच, यैसे लोकांस किल्याचे मामले न सांगावे. शासनास अंतर जाल्या दुसरियास अर्ज करावयास जागा होतो. भिडेने भीड वाढतें; केली मर्यादा तुटोन जाते. मर्यादाभंग हेंच राज्यनाशाचें कारण. याकरितां मर्यादाभंग सहसा होऊं न द्यावा.