कार्तिकामायां दीपमाला वर्णनम्

तथा पक्षे व्यतीते तु कर्तव्या सुखसुप्तिका ॥५०५॥
पश्चदश्यां यथा विप्र तथा मे गदत: श्रृणु ।
तस्यां दिवा न भोक्तव्यं बालातुरजनं विना ॥५०६॥
सूर्ये त्वस्तमनुप्राप्ते पूजयित्वा करीषिणीम्‍ ।
दीपवृक्षास्ततो देया: देवतायतनेषु च ॥५०७॥
चतुष्पथश्मशातेषु नदीपर्वतवेश्यसु ।
वृक्षमूलेषु गोष्ठेषु चत्वरे ष्वापणेषु च ॥५०८॥
वस्त्रैश्चैवापणा: सर्वे कर्तव्याश्चोपशोभिता: ।
दीपम लापरिक्षिप्ते प्रदेशे तदनन्तरम्‍ ॥५०९॥
स्वलंकृतैश्च भोक्तव्यं व्दिजेन्द्र नववाससा ।
सुहृद्भिर्ब्राह्मणै: सार्ध बन्धुभिश्चानुयायिभि: ॥५१०॥
तत: प्राप्ते व्दीतीयेऽह्वि स्वनुलिप्तै: स्वलंकृतै: ।
क्रीडितव्यं तथा द्यतै: श्रोतव्यं गीतवदितम्‍ ॥५११॥
विशेषवच्च भोक्तव्यै पूर्वोक्तैस्तैजनै: सह ।
तस्मिन्‍ द्यते जयो यस्य तस्य  संवत्सर: शुभ: ॥५१२॥
तस्यां रात्रौ तु कर्तव्यं शय्यास्थानं सुशोभितम्‍ ।
गन्धैर्वस्त्रैस्तथा धूपै: रतैश्चैवाभिलडंतम्‍ ॥५१३॥
दीपमालापरिक्षिप्तं तथा धूपेन धूपितम्‍ ।
दयिताभिश्च सहितै स्तैर्नेया सा निशा भवेत्‍ ॥५१४॥
पूज्या नूतनवासोभि: सुहृत्संबन्धिबान्धवा: ।
ब्राह्मणा भृत्यवर्गाश्च चन्द्रदेव यथाविधि ॥५१५॥
॥इति श्री नीलमते कार्तिकामायां दीपमाला वर्णनम्‍ ॥