॥ अथ श्लेष्मग्रहणीचिकित्सा ॥

शटी व्योषाभयं क्षारौ ग्रन्थिकं बीजपूरकम्‍ । लवणाम्लाम्बुना पेयं श्लैष्मिके ग्रहणीगदे ॥१॥
रास्त्रा पथ्या शटी व्योषं द्वौ क्षारौ लवणानि च । ग्रन्थिकं मातुलिड्गस्य सममेकत्र चूर्णयेत्‍ ॥ पिबेदुष्णेन तोयेन श्लैष्मिके ग्रहनीगदे ॥२॥
इति रास्त्रादिचूर्णम्‍ ॥ इति श्लेष्मग्रहणी ॥
शुण्ठी समुस्तातिविषां गुडूचीं पिबेज्जलेन कथितां समांशाम्‍  । मन्दानलत्वे सततामवाते सामानुबन्धे ग्रहणीगदे च ॥१॥
इति शुण्ठ्यादिक्वाथ: ।