योगेश दामले - ‘ ओळखलंत का भाऊ मला ? ’ र...

‘ ओळखलंत का भाऊ मला ? ’ रिक्वेस्ट पाठवे कोणी
प्रोफाइल पिकवर जॉन, हृतिक, सचिन किंवा धोनी

ऍक्सेप्ट केलं, ऍड केलं, क्षणभर त्याला पाहून
फ्रेंड्स लिस्टमध्ये घुसल्यावर स्म्वाद गेला राहून

‘ चड्डीबड्डी ’ मित्रासारखा प्रोफाइलवरती नाचला
अर्धे मित्र बळकावले, बॉस मात्र वाचला !

‘ स्टेटस ’ वाचले, ‘ कोट ’ ढापले, होते नव्हते नेले
‘ संता - बंता ’ ‘ सुविचार ’ मध्ये ‘ टॅग ’ तेवढे केले...

वैतागून या असल्यांची आता यादी करीन म्हणतो,
सुटी लागता फ्रेंड्स लिस्टवरचा गाळ काढीन म्हणतो

टोमणा माझा झोंबल्यावरती हसत हसत उठला
फुटकळ फुटकळ पोस्ट्सनाही ‘ लाइक ’ करत सुटला

भंगार झाली वॉल, तरी मोडला नाही कणा
थातूरमाथूर अपलोड्सनाही, फक्त ‘ लाइक ’ म्हणा !

- कुसुमाग्रजांची माफी मागून - विनयानुज