सत्यपाल आनंद - मी काल रात्री आकाश कोसळत...

मी काल रात्री
आकाश कोसळत असताना पाहिलं
आणि मला वाटलं की
आता होणार कदाचित
धरती आणि आकाश यांचं मीलन !

रात्र उलटली
क्षितिजावर तांबडं फुतलं...
तेव्हा अवतरू लागलेल्या सूर्याला
थांबवत आणि त्याचा हात हातात घेत
मी त्याला म्हणालो :
‘ बंधो, थांब...
तू दोन पावलंही पुढं टाकलीस तर
कदाचित आकाश कोसळेल ! ’

सूर्यानं माझ्याकडं विचित्र नजरेनं पाहिलं
आणि आपला मोहरा
समोरच्या दिशेला वळवत
तो मला हळू आवाजात
सावकाश म्हणाला :
‘ आकाश रोजच रात्री
कोसळत असतं...
पण दोघांचं मीलन
कधीच होत नाही ! ’