आरती कृष्णेची - जयदेव जयदेव जय माय कृष्णे...

निरंजनस्वामीकृत आरती


आरती कृष्णेची
जयदेव जयदेव जय माय कृष्णे । अघतम संहारुनिया हरि मम भवतृष्णे ॥धृ॥
विष्णूच्या निजअंकीं प्रगटुनिया जाण ।
निर्मळ जळ तुंबळ खळ पर्वत भेदून ॥
पूर्वसमुद्रालागुनि केलेसें गमन ।
अघटित घटना तुझें न कळे विंदान ॥१॥
अगाध तवगुणमहिमा श्रुतिशास्त्रें गाती ।
त्रैलोक्याचे ठायीं वर्तें तव ख्याती ।
सर्वहि तीर्थें निशिदिनिं तवपायीं वसती ।
मुनिवर सुरवर येऊनि सुस्नान होती ॥२॥
दर्शनस्पर्शनमात्रें तापत्रय हरिसी ।
निजदासातें मुक्तिपद अक्षयीं देसी ।
सद्भावें निरंजन लागे चरणासी ॥३॥

Translation - भाषांतर
N/A

References : N/A
Last Updated : 2016-11-23T07:44:09.7000000