श्रीअन्नपूर्णास्तोत्रम्

सर्वमंगलमांगल्ये सर्वमंगलरूपिणि ।
सर्वैश्वर्यप्रदे देवि अन्नपूर्णें नमोस्तु ते ॥१॥
कराभ्यां या समादाय दर्वीं देवर्षिसंस्तुता ।
या स्थिता निजरक्षार्थमन्नपूर्णां नमामि तां ॥२॥
सिद्धयो निधयश्चापि सर्वदा यद्वशे स्थिता: ॥
तां शंकरप्रियां देवीं सर्वकामदुधां भजे ॥३॥
अन्नपूर्णें सदापूर्णें शंकरप्राणवल्लभे ।
प्रसीद देवि कल्याणि मम कामान् प्रपूरय ॥४॥