श्रीश्रृंगगिरिपीठाधीश्वरश्रीजगद्गुरु-श्रीभारतीकृष्णदेवस्तुतिः

भजदमरमहीजं भस्मभूषं भयघ्नं
यमिजनविततीड्यस्वाङ्घ्रिकं स्वर्णवर्णम् ।
कलितविनतकाम्यं रम्यमुर्वीशनम्यं
क्षितिगुरुवरमीडे भारतीकृष्णसंज्ञम् ॥१॥
करजितवनजातं शारदाङ्घ्र्यब्जभृङ्गं
वरदचरणचिन्तं पायदाङ्घ्रिं भवाब्धे: ।
सततकलितकृष्णं कृत्तमृत्युं कृपाब्धिं
क्षितिगुरुवरमीडे भारतीकृष्णसंज्ञम् ॥२॥
विनतदुरितनाशं वैनतेयेशरूपं
त्रिभुवनगुरुविद्यातीर्थशिष्यं स्मितास्यम् ।
हृतपदनतकष्टं दत्तसर्वानतेष्टं
क्षितिगुरुवरमीडे भारतीकृष्णसंज्ञम् ॥३॥
( शरणमहमये श्री )