श्रीवामनस्तव:

विन्ध्यावलीपतिभविष्यसुरेन्द्रतायै
लक्ष्मीधवाश्रितबटुत्वमनोज्ञवेष ।
विन्ध्याद्रिदेशिक शुकद्रुहिणाङ्कजात -
मुख्यर्षिगीतचरणाम्बुज वामनाव ॥१॥
सौम्याङ्घिभक्तजनताहृदयाब्जकाङ्क्ष्य -
काम्यालिमोक्षमुखसर्वपदार्थदायिन् ।
धर्म्याध्ववर्तिबलिहिंसनलेशशून्य -
रम्याध्वसाधितनतादिताकामिताव ॥२॥
वर्णिव्रतानुसृतितो जननीपदस्थ -
श्रीमेनकातनुभवार्पितनैजभिक्ष ।
स्वर्णोदराद्रितनयापतिनाकनाथ -
सूर्याब्जवह्निमुखसंस्तुत वामनाव ॥३॥
स्वाज्ञानुसारिविनतातनुसम्भवेन
सप्रेमबन्धितविरोचनसम्भवस्थ ।
दौवारिकत्वविनिवेदितनैजचेतो -
गाम्भीर्य धर्म्यपरताञ्चित वामनाव ॥४॥
काणादनेत्रपदकापिलमुख्यशास्त्र -
प्राणायितात्मकरुणाविलसत्कटाक्ष ।
वीणाधरात्मकरपङ्कजमुख्यनैज -
प्राणम्रभक्तजनतावन वामनाव ॥५॥
शोणाम्बुसञ्जनुरशोकमुखप्रसून -
वाणालितातधृतनूतनरम्यरूप ।
शोणाधरद्यु तिपराजितबिम्बभास्वद्
एणाङ्कनेत्र करुणार्णव वामनाव ॥६॥