श्रीगणेशस्तव:

भवभयशमनं भुजङ्गकेशं नतसुरभूमिरुहं सरोजहस्तम् ।
अनिशमहमुपाश्रये गणेशं शरदृतुमेघपटं वरप्रदार्चम् ॥१॥
सुरगणविनुतं निवारितान्तं नतवरदानरतं गुहाग्रजातम् ।
अनिशमहमुपाश्रये गणेशं गुणिगणसङ्घलसत्कृपासमुद्रम् ॥२॥
गणकमुखनुतं भवार्त्तिनाशं सुरललनानिकरार्चिताङ्घिपद्मम् ।
अनिशमहमुपाश्चये गणेशं तुहिननिभाङ्गरुचं पयोदकेशम् ॥३॥
पदनतदिविजं प्रपञ्चजालं नमदघपूगहरं परावरज्ञम् ।
अनिशमहमुपाश्रये गणेशं क्षितिधरवर्ष्मभवाहरात्मजातम् ॥४॥