श्रीकवेरजास्तोत्रम्

विरागिसंस्तुतचरणे मलापहे
भजज्जरामयमुखहृत्सुरेडिते ।
नतार्थवाग्जितधनपाङ्गिरोभवे
कवेरजे हृदि वस मे कृपाम्बुधे ॥१॥
गजादिमप्रदचरणेsद्रिजाकृते
तनूरुचा जितकनके गरादिहृत् ।
क्षराक्षरोत्तमविभवे शुकेडिते
कवेरजे हृदि वस मे कृपाम्बुधे ॥२॥
मनस्तमोदिवसपते भवापहे
पितामहाच्युतगिरिशप्रसाददे ।
हरिप्रियाशयदजले नृपत्वदे
कवेरजे हृदि वस मे कृपाम्बुधे ॥३॥
मनोsम्बुभूविकृतिहरे कुबुद्धिहृच्
छमादिसद्गुणततिदे हृतश्रमे ।
अहक्षमानिधिहृदये यमादिदे
कवेरजे हृदि वस मे कृपाम्बुधे ॥४॥