साधन मुक्तावलि - कौपीनपंचक

वेदांतवाक्येषु सदा  रमंतो भिक्षान्नमात्रेण च तुष्टिमंत: ।
अशोकवंत: करूणैकवंत: कोपीनवंत: खलु भाग्यवंत: ॥१॥
मूलंतरो: केवलमाश्रयंत: पाणिद्वये भोक्तुममंत्रवंत: ।
कंथामपि स्त्रीरिव कुत्सयंत: ।  कौपीनवंत: खलु भाग्यवंत: ॥२॥
देहाभिमानं परिह्रत्य दूरादात्मानमात्मन्यवलोकयंत: ।
अहर्निशं ब्रम्हाणि ये रमंत: कौपीनवंत: खलु भाग्यवंत: ॥३॥
स्वानंदभावे परितुष्टिमंत: सशांतसर्वेंन्द्रियवृत्तिमंत: ।
नांतं न मध्यं न बहि: स्मरंत: कौपीनवंत: खलु भाग्यवंत: ॥४॥
पंचाक्षरं पावनमुच्चरंत: पतीं पशूनां ह्रदि भावयंत: ।
भिक्षाशनो दिक्षु परिभ्रमंत: कौपीनवंत: खलु भाग्यवंत: ॥५॥