संगीत भावबंधन

१८-१०-१९१९

१
(राग : यमन कल्यान, ताल : दादरा)
कठिण कठिण किती पुरुष ह्रदय बाई ।
स्त्रीजातिप्रति झटता अंत कळत नाही ॥धृ०॥
रंगुनि रंगात मधुर मधुर बोलती ।
हंसत हंसत फसवुनि ह्रद‌बंध जोडिती ॥१॥
ह्रदयाचा सुंदरसा गोफ गुंफिती ।
पदर पदर परि शेवटी तुटत तुटत जाई ॥२॥

२
(राग : दरबारी, ताल : त्रिताल)
जरठबाला योग असा हा ।
भूस्तरी योग्य व्याकरणि तसा । योग असा ॥धृ०॥
हिरा तइ दिसे उपले मघवा श्वाने तुलियेले ॥१॥
न बालरवि त्या बुडत्या । विधुसि संमुख चिर ठेला ॥२॥

३
(राग : भीमपलास, ताल :ज त्रिताल)
स्त्रिया रणि बद्धपरिकरा । स्नेहबद्धशा प्रिय गमति नरा ॥धृ०॥
रंगक्रिडेमधि रमणीया  । क्रीडारंगी तेवी रुचिरा ॥१॥
संसाराच्या खुलविती खेळा ॥ खेळाच्या नटविती संसारा ॥२॥

४
(राग : बिहाग, ताल :पंजाबी)
सकल चराचरि या तुझा असे निवारा ॥धृ०॥
पाषाणाच्या अससि जरी मूर्तिमधी ।
उत्पलह्रदयि वससि खास ॥१॥