दत्त आरती - मंगलारती करूं श्रीगुरुदत्...

देवीदेवतांची काव्यबद्ध स्तुती म्हणजेच आरती.
The poem composed in praise of God is Aarti.


दत्त आरती
मंगलारती करूं श्रीगुरुदत्ता ॥ माझ्या बालावधूता ॥ अहंभावटाकुनी चरणीं ठेवियला माथा ॥धृ.॥
महिमा अनंत सद्‌गुरूचा वर्णूं मी किती ॥ दर्शनमात्रें नाहीं होय संसारभीती ॥१॥
काषायांबर दंड कमंडलु प्रसन्न वदन ॥ कामधेनु कल्पवृक्ष सुंदर हें ध्यान ॥२॥
तिन्ही लोकीं फेरी जयाची भक्तांच्या काजा ॥ स्मरणमात्रें प्रगटे सर्वांठायीं गुरुराजा ॥३॥
भक्तिभावें गाती तेथें सद्‌गुरु उभा ॥ भाविकासी निजसुखदाता कैवल्यगाभा ॥४॥
ग्रंथिभेद संशयछेद कर्मक्षय जाहला ॥ परात्पर परिपूर्ण दत्त ह्रदयीं भरला ॥५॥(पंतमहाराज)

Translation - भाषांतर
N/A

References : N/A
Last Updated : 2018-01-30T19:26:21.2500000