श्रीकृष्ण उवाच ॥
अथान्यदपि ते वच्मि दानं श्रेयस्करं परम् । आदित्यमण्डलं नाम सर्वाशुभविनाशनम् ॥१॥
यवचूर्णेन शुभ्रेण कुर्याद्नोधूमजेन वा । सुपक्कं भानुबिम्बामं गुडगव्याज्यपूरितम् ॥२॥
संपूज्य भास्कर भक्त्या तदग्रे मण्डलं शुभम् । रक्तचन्दनजं कुर्यात्कुङ्रकुमं वा विशेषतः ॥३॥
मण्डलं तव संस्थाप्य रक्तवस्त्रैः सुपूजितम् । ब्राह्मणाय प्रदातव्यं मन्व्रेणानेन पाण्डव ॥४॥
आदित्यतेजसोत्पन्न राजतं विधिनिर्मितम् । श्रेयसे मम विप्र त्वं प्रतिगृह्लेदमुत्तमम् ॥५॥
इति दानमन्व्रः ॥ कामदं धनदं धम्यै पुव्रदं सुखदं तव । आदित्यप्रीतये दत्तं प्रतिगृह्रामि मण्डलम् ॥६॥
इति प्रतिग्रहमन्व्रः ॥ एवं दत्त्वा नरो राजन्सूर्यवद्दिवि राजते । सर्वकामसमृद्धार्थो मण्ढलाधिपतिर्भवेत् ॥७॥
दातव्यो जयसप्तम्यां तदारभ्य दिनेदिने । भास्करस्य महाराज शक्त्या भावेन भावितः ॥८॥
गोधूमचूर्णजनितं यवचूर्णजं वा आदित्यमण्डलमखण्डगुडाद्यपूर्णम् । कृत्वा द्विजाय विधिवत्प्रतिपादयेद्यो भूमौ भवत्यमितमण्डलमण्डलोऽसौ ॥९॥ [ १९०८ ]
इति श्रीभविष्ये महापुराण उत्तरपवणि श्रीकृष्णयुधिष्ठिरसंवाद आदित्यमण्डलविधिवर्णनं नाम चतुश्वत्वारिंशोऽध्यायः ॥४४॥