लग्नाची गाणी - भरून देई वं

भरून देई वं
सुनेबाई दार जनी लागे जं
तुजसाठी गोठं केलं रीतं वं
आमचं गोठं भरून देई वं

सुनेबाई दार जनी लागे जं
तुजसाठी कणगं केलं रीतं वं
आमचं कणगं भरून देई वं

भरून दे
सूनबाई, घरातली सारी दारं आता सहज बंद होतात
(ओसंडून जाईल असं काही उरलंच नाही.
तुला लग्न करून घरात आणण्यासाठी हुंडा दिला; त्यापायी)
गायीगुरं विकून गोठा रिकामा केला,
धान्याने भरलेल्या कणग्याही रिकाम्या झाल्या...!

तूच आता आमचे गोठे पूर्वीप्रमाणे भरून दे!
तूस आता आमचे कणगे पूर्वीप्रमाणे भरून दे!