७६
भक्तिर्महेशपदपुष्करमावसन्ती
कादम्बिनीव कुरुते परितोषवर्षम् ।
संपूरितो भवति यस्य मनस्तटाक -
स्तज्जन्मसस्यमखिलं सफलं च नान्यत् ॥७६॥
७७
बुद्धिःस्थिरा भवितुमीश्वरपादपद्म -
सक्ता वधूर्विरहिणीव सदा स्मरन्ती ।
सद्वावनास्मरणदर्शनकीर्तनादि
संमोहितेव शिवमन्त्रजपेन विन्ते ॥ ७७॥
७८
सदुपचारविधिष्वनुबोधितां
सविनयां सुह्रदं समुपाश्रिताम् ।
मम समुद्वर बुद्विमिमां प्रभो
वरगुणेन नवोढवधूमिव ॥७८॥
७९
नित्यं योगिमन ःसरोजदलसंचारक्षमस्त्वत्क्र्मः
शंभो तेन कथं कठोरयमराड्वक्षः कवाटक्षतिः ।
अत्यन्तं मृदुलं त्वदंघ्रियुगलं हा मे मनश्चिन्तय -
त्येतल्लोचनगोचरं कुरु विभो हस्तेन संवाहये ॥७९॥
८०
एष्यत्येष जनिं मनोऽस्य कठिनं तस्मित्रटानीति मद् -
रक्षायै गिरिसीम्नि कोमल पद -न्यासपुराभ्यासि्तः ।
नो चेद्दिव्यगृहान्तरेषु सुमनस्तल्पेषु वेद्यादिषु
प्रयः सत्सु शिलातलेषु नटनं शंभो किमर्थ तव ॥८०॥