श्रीकामः शान्तिकामो व ग्रहयज्ञं समाचरेत् ।
वृष्ट्यायुःपुष्टिकामो वा तथैवाभिचरन्नपि ॥२९५॥
सूर्यः सोमो महीपुत्रः सोमपुत्रो बृहस्पतिः ॥
शुक्रः शनैश्र्चरो राहुः केतुश्र्चेति ग्रहाः स्मृताः ॥२९६॥
ताम्रकात्स्फाटिकाद्रक्तचन्दनात्स्वर्णकादुभौ ।
राजतादयसः सीसात्कांस्यात्कार्या ग्रहाः क्रमात् ॥२९७॥
स्ववर्णैर्वा पटे लेख्या गन्धैर्मण्डलकेषु च ॥२९८॥
गन्धश्र्च बलयश्र्चैव धूपो देयश्र्च गुग्गुलुः ।
कर्तव्या मन्त्रवन्तश्र्च चरबः प्रतिदेवतम् ॥२९९॥
आकृष्णेन इमं देवा अग्निर्मूर्धा दिवः ककुत् ।
उद्रुध्यस्वेति च ऋचो यथासंख्यं प्रकीर्तिताः ॥३००॥
बृहस्पते अतियदर्यस्तथैवान्नत्परिश्रुतः ।
शन्नो देवीस्तथा काण्डात्केतुं कृण्वन्निमांस्तथा ॥३०१॥
अर्कः पलाशः खदिर अपामार्गोऽथि पिप्पलः ।
औदुम्बरः शमी दूर्वा कुशाश्र्च समिधः क्रमात् ॥३०२॥
एकैकस्य त्वष्टशतमष्टाविंशतिरेव च ।
होतव्या मधुसर्पिर्भ्यां दध्ना क्षीरेण वा युताः ॥३०३॥
गुडौदनं पायसं च हविष्यं क्षीरषाष्टिकम् ।
दध्योदनं हविश्र्चूर्ण मांसं चित्रान्नमेव च ॥३०४॥
दद्याद्रहक्रमादेव द्विजेभ्यो भोजनं द्विजः ।
शक्तितो वा यथालाभं सत्कृत्य विधिपूर्वकम् ॥३०५॥
धेनुः शखस्वतस्थानड्वान्हेम वासो हयः क्रमात् ।
कृष्णा गौरायसं छाग एता वै दक्षिणाः स्मृताः ॥३०६॥
यस्य यस्य यदा दुःस्थः स तं यत्नेन पूजयेत् ।
ब्रह्मणैषां वरो दत्तः पूजिताः पूजयिष्यथ ॥३०७॥
ग्रहाधीना नरेन्द्राणामुछ्रायाः पतनानि च ।
भावाभावौ च जगतस्तस्मात्पूज्यतमा ग्रहाः ॥३०८॥