सौवर्णराजताब्जानमूर्ध्वपात्रग्रहाश्मनाम् ।
शाकरज्जुमूलफलवासोविदलचर्मणाम् ॥१८२॥
पात्राणां चमसानां च वारिणा शुद्धिरिष्यते ।
चरुस्रुवसस्रेहपात्राण्युष्णेन वारिणा ॥१८३॥
स्फ्यशूर्पाजिनधान्यानां मुसलोलूखलानसाम् ।
प्रोक्षणं संहनानां च बहूनां धान्यवाससाम् ॥१८४॥
तक्षणं दारुशृङ्गस्थानं गोवालैः फलसंभवान् ।
मार्जनं यज्ञपात्राणां पाणिनां यज्ञकर्मणि ॥१८५॥
सोरवैरुदकगोमूत्रैः शूद्धत्याविककौशिकम् ।
सश्रीफलैरंशुपट्टं सारिष्टैः कुतपं तथा ॥१८६॥
सगौरसर्षपैः क्षौमं पुनःपाकान्महीमयम् ।
कारुहस्तः शुचिः पण्य भैक्षं योषिन्मुखं तथा ॥१८७॥
भूशुद्धिमार्जनाद्दाहात्कालद्रोक्रमणात्तथा ।
सेकादुल्लेखनाल्लेपाद्रृहं मार्जनलेपनात् ॥१८८॥
गोध्रातेऽन्ने तथा केशमक्षिकाकीटदूषिते ।
सलिलं भस्म मृद्वापि प्रक्षेप्तव्यं विशुद्धये ॥१८९॥
त्रपुसीसकताम्राणां क्षाराम्लोदकवारिभिः
भस्माद्भिः कांस्यलोहानां शुद्धिः प्लावो द्रवस्य तु ॥१९०॥
अमेध्याक्तस्य मृत्तोयैः शुद्धिर्गन्धादिकर्षकणात् ॥
वाक्शस्तमम्बुनिर्णिंक्तमज्ञातं च सदा शुचि ॥१९१॥
शुचि गोतृप्तिकृत्तोयं प्रकृतिस्थं महीगतं ।
तथा मांस श्र्वचाण्डालक्रव्यादादिनिपातितम् ॥१९२॥
रश्मिरग्रिरजश्र्छया गौरश्र्वो वसुधानिलः ।
विप्रुषो मक्षिकास्पर्शे वत्सः प्रस्रवने शुचिः ॥१९३॥
अजाश्र्वयोर्मुखं मेध्यं न गोर्न नरजा मलाः ।
पन्थानश्र्च विशुध्यन्ति सोमसूर्यांशुमारुतैः ॥१९४॥
मुखजा विप्रुषो मेध्यास्तथाचमनबिन्दवः ।
श्मश्रु चास्यगतं दन्तसक्तं त्यकत्वा ततः शुचिः ॥१९५॥
स्नात्वा पीत्वा क्षुते सुप्ते भुक्त्वा रथ्योपसर्पणे ॥
आचान्तः पुनराचोमेद्वासो विपरिधाय च ॥१९६॥
रथ्याकर्दमतोयानि स्पृष्टान्यन्त्यश्र्ववायसैः ॥
मारुतेनैव शुध्यन्ति पक्केष्टिकचितानि च ॥१९७॥