निचितं तु ( नु) हंसपक्षैः कृकवाकुमयूरसारसानां वा । दौकूल्येन ( दौकूलेन) नवेन तु समन्ततश्छादितं शुक्लम् ॥१॥
मुक्ताफलैरुपचितं प्रलंबमालाविलं स्फटिकमूलम् । षड्ढस्तशुद्धहैमं नवपर्वनगैकदण्डं तु ॥२॥
दण्डार्धविस्तृतं तत् समावृतं रत्नभूषितं ( रत्नविभूषितम्, रत्नभूषितं) उदग्रम् । नृपतेः तदातपत्रं कल्याणपरं विजयदं च ॥३॥
युवराजनृपतिपत्न्योः सेनापतिदण्डनायकानां च । दण्डोऽर्धपंचहस्तः समपंचकृतोऽर्ध ( कृतार्ध) विस्तारः ॥४॥
अन्येषामुष्णघ्नं प्रसादपट्टैः विभूषितशिरस्कम् । व्यालंबिरत्नमालं छत्रं कार्यं तु ( च) मायूरम् ॥५॥
अन्येषां तु नराणां शीतातपवारणं तु चतुरस्रं ( चतुरश्रं) । समवृत्तदण्डयुक्तं छत्रं कार्यं तु विप्राणाम् ॥६॥