दिगमध्य संस्थाः शुभदा नराणां व्यंगेषु बन्धं पशुपत्तिनाशम । याम्योत्तरं हीनधनं करोति हीनोदकं करोति ॥२१॥
चतुर्थीष्टमगैः पापैर्लग्नेगे वा खलग्रहे । चन्द्रेऽष्टमे तदा कर्ता म्रियते मासमध्यतः ॥२२॥
केन्द्रपापग्रहैर्युक्ते अष्टमे च व्ययेऽपि वा । धर्म स्थानगतैर्वापि तज्जलं क्षीयते चिरात ॥२३॥
केन्द्रगैः सौरिभौमार्कैरष्टमस्थे निशाकरे । तज्जलं वर्षमध्ये तु न तिष्ठति जलाशये ॥२४॥
एकः पापोऽष्टमस्थानोऽपि चतुर्थे सिंहिकासुतः । नवमे भूमिपुत्रस्तु तज्जलं विषवत्स्मृतम ॥२५॥
नन्दाद्याः पूजनीयाश्च पूर्वाक्ते नैव मार्गतः । ईशानादिक्रमेणैव न्यसेद्दिक्छोधिते स्थले ।
मध्ये पूर्णा विनिःक्षिप्य कुम्भोपरि शुभे दिने । वरुणस्य विधायादौ पूजां मंतैश्च वारुणैः ॥२६॥
वटवेतसकीलानां शिरास्थाने निवेशनम । ततो ग्रहार्चनं वास्तुपूजाविधिमतः परम ॥२७॥
सौम्यायने कटिगते पतंगे मधुं विना शीतकरे सुपूर्णे ।
तथा विरिक्ते विकृते च वारे कार्या प्रतिष्ठा च जलाशयानाम ॥२८॥
लग्नेषु सौम्यग्रहवीक्षितेषु कार्या प्रतिष्ठा खलु तत्र तेषाम ।
जलोदये पूर्णशशी च केन्द्रे जीवे विलग्ने भृगुजेऽस्तगे वा ॥२९॥
एकोऽपि चान्ये भवने स्वकीये केंद्रस्थितो वा शुभदो नराणाम ।
एकोऽपि जीवज्ञसितासितानांस्वोच्चस्थितानां भवने स्वकीये ॥३०॥
केंद्रत्रिकोणोपगता नराणां शुभावहं तत्सलिलं स्थिरं स्यात ॥३१॥
ये कुर्वति नराः पुण्याः पुरे पानीयशालिकाम । विष्णुनासह मोदंते यावद्भूमण्डले जलम ॥३२॥
इति वास्तुशास्त्रे जलाशयादिकरणेऽष्टमोऽध्यायः ॥८॥